კეთილი იყოს თქვენი მობრძანება შატო ვარციხეში

შატო ვარციხე მდებარეობს შუა იმერეთში, ქუთაისიდან 15 წუთის სავალზე. 120 ჰექტარზე აშენებული სასტუმრო გთავაზობთ თანამედროვე ინფრასტრუქტურას, ბუნების სილამაზესთან ერთად. სასტუმრო დაყოფილია რამდენიმე სივრცედ, სადაც დაგხვდებათ საცურაო აუზი, ხელოვნური ტბა - სადაც შეძლებთ ნავით გასეირნებას და თევზაობას, აჯამეთის ტყეში ჩაშენებული ულამაზესი ხის კოტეჯები, კალათბურთის და ფრენბურთის მოედანი, მარანი - სადაც ვაწარმოებთ ჩვენს საკუთარ ღვინოს, ლოკოკინების ფერმა, ბარი და რესტორანი. ჩვენი კურორტი გთავაზობთ განსხვავებულ შთაბეჭდილებებს ოთხი სეზონის განმავლობაში. აქ ნახავთ მომაჯადოვებელ გარემოს საგულდაგულოდ შერჩეული დეტალებით. იმოგზაურებთ დროში, გახდებით ქართული კულტურის გამზიარებელი და ჩვენს მიერ შექმნილი ემოციები ძალიან დიდხანს გაგყვებათ. ჩვენი ყოველი თანამშრომლი თავს განსხვავებულად გაგრძნობინებთ, მათი ლოიალური დამოკიდებულებით, რაც დამახასიათებელია იმერული ხალხების ტრადიციებისთვის.
სამომავლო გეგმები: ჩვენი კურორტი მუშაობს უამრავ საინტერესო იდეაზე, რათა კიდევ უფრო მრავალფეროვანი და სასიამოვნო შთაბეჭდილებები შევქმნათ თქვენი ვიზიტის დროს. რაც ნიშნავს დახურულ საცურაო აუზს, სათამაშო მოედანს და ბევრ სხვა პოზიტიურ სიახლეს.